政壇：趙式和掀製青銅像風
立像唔再係只為紀念先人，慶生日、賀一桿入洞，一樣可以造像。富豪趙世光千金Jane趙式和同英國著名藝術家Bryan Ellery合作，將青銅像風帶到香港，名人如上海灘老闆鄧永鏘都係Bryan客仔。
Jane舊年喺灣仔開設畫廊Galerie Huit（錦藝舫），除熱賣中外名家畫作，仲引入人像雕塑品，一切原來緣於爸爸趙世光。話說爸爸舊年七十大壽，友人搵Bryan為佢製作青銅像，造型栩栩如生，令Jane一見傾心：「畫人像畫、影寫真，都可以留住時光，但總不及造像嚟得真實，感覺活靈活現。」
趙式和愛買畫多過買衫，六百呎嘅畫廊係佢嘅夢想天地。
製作銅像前，藝術家Bryan Ellery（右）先為客人塑造泥像。
Bryan為著名商人Alan Murray製作嘅青銅像。