政壇：張震遠撐山東青年會
上禮拜六，由五百幾位山東籍後生仔組成嘅香港山東青年會正式成立，由丁華做主席，仲請到市區重建局主席Barry張震遠、全國政協委員呂明華同「水餃皇后」灣仔碼頭水餃創辦人臧健和等山東前輩應承做名譽顧問。
Barry同呂明華當晚喺成立典禮相遇，講起鄉情同家鄉美食，零舍同聲同氣。雖然山東菜館喺香港唔多，不過Barry唔怕冇得食，事關媽媽同家姐成日包水餃，連水餃皮都係自家製嘅添！
張震遠（左二）同呂明華（右二）為山東小同鄉撐場打氣。左一為丁華，右一為青年會內務副主席劉瑤。