政壇：趙家賢當選借票站求婚

雖然區議會選舉選情好緊張，但東區區議會太古城西喺點票結束後就上演一幕「求婚記」。

當票站主任宣布趙家賢當選，佢就示意班小學同學將一束預先準備好嘅花束同寫有求婚字句嘅心意卡，交畀都喺現場睇開票嘅女友Helen，佢仲即席下跪，Helen激動到笑住應承。至於幾時會擺酒，趙家賢話要同未來外母傾吓至可以決定，但佢嘅未婚妻就覺得下年比較趕急，睇嚟要過多兩年先可成事喎！