政壇：青樓名妓闖禍逃離港大

最近港大校務委員會成員、港大專業進修學院（HKU SPACE）校董會主席張永霖，亦捲入校長徐立之不續約風波。有傳佢同徐立之意見不合，屬意徐「無得留低」，隨後佢又主動發聲明，話支持徐立之延任，態度反覆。

自稱「青樓名妓」嘅張永霖喺港大身兼五職，但尋日佢突然主動公布明年一月約滿後唔再續約，其餘港大職務亦會隨約滿離任。佢解釋話係因身兼多職，公務繁重，仲話年初已通知港大唔再連任喎。對於不滿徐立之嘅傳聞同各職務嘅利益衝突問題，佢完全唔答，只係批評個別傳媒報道唔準確。

港大教職員會主席張祺忠話，從未聽聞張永霖已決定唔續任。香港教育專業人員協會會長馮偉華認為，徐立之風波唔會因為張永霖嘅引退而結束，認為佢有需要澄清係咪曾向校委會施壓，踢走徐立之，令公眾釋疑。