政壇：《畢業生》跑車坐鎮老爺車展
香港老爺車會年年都會搞一個車展，今年就由星展香港零售銀行業務豐盛理財及分行網絡業務主管Derek鍾少權做搞手，尋日喺遮打道展出咗近一百款老爺車，最老嗰架係一九三○年嘅戰前美國福特車廠Model A。
星展香港特登揀咗一九七二年出產嘅Alfa Romeo Spider紅色開篷跑車做主角，呢部車嘅車款，就係經典電影《畢業生》（The Graduate）入面，奧斯卡金像影帝德斯汀荷夫曼（Dustin Hoffman）嘅座駕。
Derek一向對跑車興趣濃厚，特登同一九七二年出產嘅Alfa Romeo Spider紅色開篷跑車合照。