政壇：Vivienne 迎冬 料大褸熱賣
今年冬天據講特別凍，國際時裝設計師譚燕玉（Vivienne Tam）前晚出席香港設計大使慈善晚宴2011時，都話依家正忙緊2012年冬裝，仲笑謂有傳言香港今冬將會落雪，所以佢會多做大褸應天氣需要。
Vivienne透露，最近有唔少人提議佢將時裝基地由美國搬返嚟土生土長嘅香港，佢話：「我都想，但有難度，要慢慢發展，但我會盡量放多啲時間喺香港，而且我都知中國嘅市場好大，我都好重視。」似乎Vivienne即使唔搬基地，都會多啲留喺香港發展。
同係愛美之人，譚燕玉（左）同羅黃佩茵特登擺甫士騷吓靚衫。