患有糖尿病嘅教育局局長孫明揚，健康情況一度令人憂慮，但尋日喺馬場餐廳遇到孫公，見佢一口氣掃咗六隻生蠔、半邊龍蝦加埋碗湯添，胃口不知幾好。
孫公話胃口好同健康係冇關嘅，佢依家晚晚都要喺屋企洗肚，所以反而要食多啲嘢，畀身體吸收多啲營養，醫生都話咁樣冇問題喎！問到近排工作忙唔忙？佢話工作壓力都幾大，不過做完今屆政府、即係喺八個半月之後都退休喇，到時就可以抖吓，得閒喺屋企瞓吓覺、睇吓書，活到老學到老咁話喎。咁退咗休會唔會考慮做其他社會公職？佢就笑笑口咁話：「都要有人搵我做先得o架！」
孫公話依家要食多啲嘢，畀身體吸收多啲營養喎！
