政壇：楊素珊陳竹君啖有機意菜
前電台高層兼公關公司老闆Susan楊素珊同藝術家Ada陳竹君都係「有機一族」，尋日佢哋相約到香港藝術中心新開設嘅意大利餐廳Assaggio撐枱腳。餐廳總廚Marco Furlan炮製手做意粉，選用意大利有機粗意粉，加入醃製銀鱈魚，意粉帶有原始風味，Ada大讚夠煙韌彈牙。再來一味「蟹肉菠菜雲吞配海鮮汁」，Furlan以意大利有機小麥製成嘅麵粉，配以菠菜汁搓成雲吞，餡料則用上蟹肉、青口同蜆等海鮮，啖啖鮮味。
Ada平日買餸都講究食物來源，佢笑言以前經常以為大紅大綠嘅蔬菜就一定健康，原來只係商人嘅掩眼法。Susan最近則購入廚餘回收桶，將食剩嘅餸菜隔去水分後加入特製粉末，變成花肥，果然環保。
楊素珊（右）同陳竹君（左）激讚Assaggio有機菜式夠健康。