利比亞戰火不斷，但肩負救死扶傷責任嘅無國界醫生主席范寧就偏向虎山行，上個月去咗利比亞嘅米蘇拉德，逗留咗三個星期，啱啱今個月初先返港。
雖然環境危險惡劣，但范醫生話︰「有機會幫人而選擇唔幫，自己都會覺得有問題。」首次去利比亞嘅佢又話：「開頭仲以為嗰度啲人個個都係宗教狂熱分子，會好兇殘，但原來佢哋家族觀念好重。」事關好多喺外國做機師、會計師嘅利比亞人，都放棄外國嘅高薪厚職返去做義工，照顧喺戰爭中有需要嘅人。
范寧（左）上個月去咗利比亞治療傷者。（無國界醫生提供）
