政情：金刀梁怕退休後冇飯開

泌尿科聖手兼行政會議成員「金刀梁」梁智鴻年屆七十二歲，家吓仍未退休，問佢幾時先會歎世界，佢竟然講笑咁話自己唔可以退休，因為唔做嘢就會冇飯開喎！

咁講笑太過分啩！金刀梁隨即正色話，大家講退休保障時，唔應該下下都講錢，反而應該關注吓一啲精神方面嘅事，譬如點樣教育退休人士打發時間、維持佢哋嘅尊嚴同形象，其實同樣重要。講到近排醫生、護士人手不足，金刀梁竟然有好橋，話唔少醫生同護士退休後都好活躍，建議政府搵佢哋返公立醫院幫手，解決近日人手不足嘅問題。