EDIBLE GEOGRAPHIC香港地質菜

任你有百幾歲命，都難及有過億年歷史的岩石。數香港最老資歷的東西，相信就是在漁農自然護理署轄下、香港國家地質公園內的六角形岩柱、沉積岩及粉沙岩等。想細看它們的真身，或者要花點時間，但要「品嘗」箇中滋味，就簡單得多，因公園跟南灣海景酒店成為合作夥伴，即日起推出一系列「地質公園主題菜式」，一餐飯時間便能味遊大部分景區。

南灣海景酒店位於香港仔，本跟西貢及新界東北的公園相距極遠，卻因有共同理念而連結，酒店方面表示：「雙方都着重自然景觀保育，亦希望讓大家多了解本地生態。」不經陸路、海路，就能在餐桌上來一次地質生態遊，有興趣嗎？

參考相片設計

先聽聽「導遊」─酒店行政總廚陳崐慈（Sidney）的講解：「唔似平時設計菜式，今次有特定主題，難度會高啲，仲一定要有六角形岩柱、鴨洲及沉積岩等地標，等客人一睇就知。我參考咗好多公園嘅相，睇吓邊啲可以變成菜式，然後同事去完實地考察，又會畀番啲意見我，公園方面亦有派代表嚟試味，大家都好嚴謹。」

設計菜式時，Chef Sidney會先依岩石外形，去揀選合適的食材炮製，像沉色的、多紋理的效果最好，模仿了形態後，便考慮食材配搭、食物營養等，希望做到好睇又好食。他指牛肉最似岩石，因紋理多而細密，更可燒焦一點，賣相更像真，而蓮藕則是驚喜發現，因本身夠硬身，切開更看到內裏的坑紋，跟六角岩柱相似。

反覆測試炮製

雖然牛肉、蓮藕好使好用，但Chef Sidney話菜式口味要多元化，例如主菜便有肉類、海鮮等選擇，談到最深刻的作品：「係模仿沉積岩的層層疊．層層樂。」Chef Sidney將銀鱈魚塗了白麵豉醃味，烤焗時便會帶點焦香，魚肉亦會裂開，似足一層一層沉積而成的沉積岩；另一道模仿鴨洲的龍鬚大蝦伴香杧酒糟，他想到用蝦做主角後，便要固定蝦的形態，所以在蝦背上釀了層蝦膠，還在外圍捲了麵皮，加多點紋理，同樣要經過反覆試驗。而這次「地質公園主題餐單」從頭盤、湯、主菜、甜品都一應俱全，共有10款菜式，於餐廳LIS供大家散點品嘗，另有兩款需要預訂的朱古力蛋糕，同樣極具創意。