香港學生成日都被要求學好兩文三語，能夠達標嘅卻唔多。行政會議成員夏佳理（Ron）尋日話，要維持香港競爭力，其中一項重要元素就係保持香港嘅良好英文水平。
阿Ron尋日以港交所主席身份為香港傑出學生協會青年高峰會演講時，大講香港競爭力，同本地人才質素。佢話普通話好重要，但保持良好英文水平對香港學生一樣咁重要，仲認為香港學生通曉兩文三語係本港競爭優勢之一。
