政情：邱騰華送上門畀鄉紳窒

    • 申訴署點起新界村屋違規興建嘅火頭後，鄉議局就一路企硬，尋日一個環保活動喺大埔林村展開，鄉議局三個負責人即劉皇發、張學明同林偉強都有出席，學明仲喺呢個環保活動中趁機講起樓。

    學明話，新界的確為香港環保事業貢獻良多，但唔覺政府有相應回報，以林村為例，為咗維護水質，好多村民擁有嘅土地都要被凍結，唔少人都對政府好多怨言，大家都希望座上嘅環境局局長邱騰華唔好得個講字，到林村嘅污水排放系統做好之後，就畀村民起多啲樓，可以一圓成立小型屋苑嘅願望。

    邱騰華好快閃人，問到佢對學明嘅要求有冇回應時，佢竟然黑面答咗句：「唔知！」就匆匆上車離開，好明顯係畀學明窒住條氣啦。

    「Money18免費即秒股票報價網站」現推出8升級功能，財經資訊，實時實發！

    鄉議局三個負責人同場亮相，但座位卻有張空櫈隔開咗。