政情：蒙德揚大阪巡廠冇有怕

    • 同日本生意往來頻繁嘅信興集團副主席David蒙德揚，喺發生大地震前兩日去過東京，最近又要再過去公幹，但今次目的地係暫未受影響嘅大阪。

    依家有好多外資企業都主動將總部由東京轉移到大阪等關西地區，David都覺得大阪係個安全地方，加上佢哋公司嘅基地喺嗰邊，所以無可避免要過去，而且要親身到訪以示支持。嚟緊十月，佢仲會去嗰邊跑馬拉松，總之無懼核輻射危機。

    David又大讚日本巿民經歷咁大嘅災難，EQ仍然好高，巿面大致正常。