Sun世代：愛策騎跌傷不言棄
Maya外表美麗優雅，原來是名運動健將，更喜歡向高難度挑戰，酷愛騎馬跳欄及花式滑水，更曾因而受傷入院！「中學嗰時有次騎馬跳欄時，唔小心失咗平衡，成個人跌咗落地，整到條頸，住咗成個月醫院！」記者問她意外後會否害怕騎馬？她笑言：「我性格係唔會放棄，傷愈之後仲堅持一個星期騎一次馬。」
訪問中，Maya經常提及母親梁寶珠，她形容與母親像一對姊妹，關係非常密切，更從母親身上學到許多，終身受用：「媽咪教我好多嘢，好似佢教我做人要外圓內方，外圓即係對人哋嘅教導同批評要好好接受，而內方即係心裏面要堅守自己嘅原則同方向。我一直銘記於心！」
雖曾墮馬受傷，但Maya仍不放棄騎馬。