Sun世代：鍾意就去做千金小姐圓設計夢

林玉茵（Maya）是家中的天之驕女，雖受百般寵愛，但她沒有被寵壞，反而勤奮工作，現時身兼兩職，擔任名牌的高級珠寶部主管及家族生意掌舵人，更同時努力追尋她的設計夢，創立自己的服裝品牌。工作馬不停蹄，她仍不忘投身慈善服務，常到貧窮地區做義工，令這位千金小姐有所領悟：「原來唔少地方係想像唔到咁貧困，知道自己有能力一定要盡力幫手！」

出身富裕家庭的Maya，是家中獨女，自小萬千寵愛在一身，但她性格踏實勤奮。Maya家族從事製衣生意，令她從小對時裝產生濃厚興趣，她笑說：「細細個就識幫Barbie公仔襯靚衫，自己着衫又會mix and match，夢想係大個做時裝設計師！」她完成中學課程後，考到獎學金升讀時裝設計，但母親卻認為「不實際」，她惟有暫時擱下夢想，到紐約大學攻讀市場學。

大學畢業後，Maya沒有回去領導家族生意，反而不怕辛苦出外打工，由低做起累積經驗：「唔想太子女空降公司，所以選擇打工學多啲嘢先，同埋了解員工點諗。」她在名牌LV當實習生，由搬貨到銷售全部一腳踢，更常常捱罵，她卻視之為寶貴的學習機會：「我都知自己嬌生慣養，嗰時學到好多嘢，特別係訓練我更捱得！」除此以外，Maya還遇上令她實現夢想的人。

捐錢建校受惠童流淚

「當時遇到LV設計總監Marc Jacobs，我同佢講我嘅夢想，佢叫我『鍾意就去做』！」就是當年的一句鼓勵，Maya報讀了Marc Jacobs、Anna Sui等著名設計師出身的Parsons設計學院，為邁向理想踏出一大步。她於七年前回去接掌家業，更創立了自己的品牌，設計主人與寵物的服裝，一圓兒時的設計師夢。

現時Maya身兼兩職，星期一至五擔任名牌卡地亞的高級珠寶部主管，下班後及星期六日則處理家族生意業務，忙得每晚最多只睡五小時。可能遺傳了曾任保良局副主席的母親梁寶珠的善心，她即使再忙，仍然積極參與社會工作，除了加入多個青年團體外，更經常到貧窮地區做義務工作。

令Maya感受至深的，是與母親一同到貴州捐款興建學校的經歷：「嗰度真係好窮，好震撼，令我知道自己好幸福，要感恩。嗰度嘅小朋友連廁所都唔知係乜嘢，平日只係去後山解決，當佢哋見到我哋捐贈嘅洗手間，開心到流眼淚！佢哋嘅笑容好似擁有全世界咁！令我明白幸福唔係用物質衡量，最重要係心中富有！」親身體驗民間疾苦，Maya矢言今後要盡力幫助更多人。