政情：吳彥祖怕空氣差想返美國
香港空氣質素差，嚇怕外商，有啲外商情願去鄰近嘅地區都唔留喺香港。好似尋日喺《健康空氣行動》見到藝人吳彥祖，直言現在努力造人嘅佢都話好關注空氣質素嘅問題，又話：「呢幾年愈嚟愈差，我唔知下一代點算，每年有二萬幾人因為空氣污染而病，我真係好驚。我同太太Lisa S.有共識，將來有BB佢會放棄一切專心湊B，如果空氣污染惡化，會搬返美國。」
見佢嘅身形明顯比之前魁梧，原來要配合由陸川執導嘅新片《王之盛宴》中所飾演項羽一角，一日吃五餐積極增肥，依家肥咗二十幾磅，仲笑言練大隻會易生男丁，因為佢係獨子，所以都想生個仔，如果生女會有啲擔心，驚佢第時被人追咗去喎。
吳彥祖話呢幾年香港嘅空氣質素愈嚟愈差。