政情：羅崇文拉飛機險甩轆
民航處因應香港動力飛行一百周年，尋日舉辦拉飛機活動，處長羅崇文亦有落手落腳拉埋一份。要拉郁嗰架國泰航空波音747飛機，要成一百人一齊拉，所以羅崇文事前都練過兩次，仲係喺攝氏九度氣溫下同落緊雨嘅時候練習添，點知到咗尋日竟然差啲甩轆。
事關初頭唔太順利，大家唔合拍，架機拉咗十幾廿秒都冇郁過，搞到羅崇文勁擔心，佢話：「個世界紀錄係要四架飛機一齊郁，萬一其他機拉到終點停低，但我哋嗰架都未郁到，就創造唔到紀錄啦！」好彩最終都拉得郁架機啫！
羅崇文