呢排城中熱話政府派錢六千元，雅芳婷集團主席許章榮（圖）話，六千蚊可以輕輕鬆鬆使咗佢，亦可以買張靚床褥，分分鐘可以瞓十幾年喎。
點解會講到床褥？因為佢係馬主，佢就話養馬仲貴過養人，淨係用嚟畀馬匹休息用嘅碎報紙，鋪幾日埋單就要六千蚊，所以即使佢嘅愛駒「枕住贏」上星期三拉頭馬贏咗三十六萬元獎金，但都只係夠鋪幾日碎報紙墊。
講到派錢可能推高通脹一事，許老闆就唔認同，事關唔係每個市民都會攞筆錢去消費，總有人將筆錢作儲蓄用途，相信影響通脹只係好輕微。
許章榮
