政情：商界型人勁讚《Flash ON》好Mood夠潮

由尋日起至十三號喺時代廣場舉行嘅「FLASH Outline彩妝藝術互動展覽」，舉行首日已吸引唔少市民到場，除咗圈中歌影視紅人現身鼎力支持外，商界代表亦紛紛亮相。展覽由潮流雜誌《Flash ON》舉辦，希望透過攝影，將藝術同美容兩者結合。

英納格錶副總裁高偉國尋日身穿筆挺西裝，再配上深紫色呔現身展覽會場，充滿年輕商家感覺，佢覺得展覽好有趣：「睇完先知原來化妝有咁多唔同玩法，我覺得《Flash ON》每期封面都畀人唔同感覺，好突出到品牌嘅主題，一路以嚟有好大進步同改善，例如最初用報紙嘅紙質，依家用粉紙，令相嘅質素愈嚟愈好，個Mood好靚！」

攝影藝術與美容結合

Bank of America嘅Equity Finance Department Assistant Vice President Ibou Thiam亦以一身型格打扮到場，原來佢對時裝素有研究，可算充滿時裝觸覺！佢有好多朋友從事模特兒行業，自己亦經常睇潮流雜誌，佢大讚《Flash ON》夠「潮」，而且名字改得很有意思：「flash on係一個世界，flash off咗又係另一個世界！展覽相片好特別，加上與唔同嘅化妝品牌合作，令人耳目一新！」