政情：名人收六千蚊各有盤算
日前財爺鬍鬚曾跪低大派六千蚊，市民都諗緊點使，連行政會議成員阿Ron夏佳理都唔例外，佢話一向都有捐開錢，所以唔會特登搵地方去捐錢喎。不過，佢承認筆錢會令受惠唔到嘅新移民覺得被歧視，但話分兩頭，佢認為每樣嘢都要定出界線，唔可以學澳門政府咁派到人人有份，仲話：「澳門有賭場，但香港冇，咁香港係咪要起番個吖？」南太電子集團創辦人顧明均，就認為政府可以幫助中小企業同弱勢社群會更好。
不過，中大校長沈祖堯就打算用筆錢嚟請學生食飯，一家四口都合資格領取六千蚊嘅全國政協委員容永祺亦有意食咗筆錢。
行政會議成員阿Ron夏佳理