政情：林海涵呻京黃瓜勁貴

    • 通脹猛如虎，內地房價、物價、工資乜都飛升，一眾港區省級政協都有深刻體驗。

    日前港區省級政協聯誼會專業委員會舉行春茗酒會，創會會長兼北京市政協常委林海涵係執業會計師，對數字梗係特別敏感啦。佢話京城嘅房屋價格升得太過勁，支持中央繼續出辣招調控樓市，千祈唔好手軟。

    佢好關注民生必需品價格問題，咁有冇切身嘅體驗？佢話平時食飯多數由當地安排，好難察覺食嘢有乜變化，但係佢好鍾意食北京黃瓜，年年都會買成箱返嚟自用或送畀朋友，但今年至少貴咗一成半至兩成，可見京城民生物價升幅有幾勁。

    開達實業董事長丁午壽係江蘇省政協，佢間玩具廠喺內地養住逾萬名工人，但廣東省實施最低工資，今年三月又要加薪近一成九，佢知有啲廠商仲出現管理人員工資低過工人嘅奇景，所以就算香港引入最低工資已成定局，佢至今都堅持反對。

    Money18 新功能「18好路數」為你預測心水股票升跌機會率

    丁午壽（左）同林海涵（右）為內地工資物價飛升叫苦，中為聯誼會常務副會長陳清霞。