政情：曹其真約龐盧淑燕歎茶
「世界毛紡大王」曹光彪嘅女曹其真，兩年前退任澳門立法會主席後，依家專心做全國政協常委，平時好少喺公開場合露面。日前下晝四點幾見佢同兩位男士喺中環置地廣場high tea，冇耐保良局副主席龐盧淑燕都嚟埋，四人好老友，傾得好開心。龐太拎住個新簇簇嘅Hermes靚袋，見佢唔捨得放喺地下，左騰右騰最終擺喺枱面側邊，可見佢有幾鍾意個靚袋。
久未露面嘅曹其真（右）約老友喺中環歎茶。
龐太小心翼翼咁將個Hermes手袋放喺枱側邊。