政情：蔡曉慧辦泳會扶後進
自去年東亞運退役後，前港隊泳手蔡曉慧冇停落嚟，讀書、寫專欄、做電視體育節目主持等，全部朝終極目標前進。曾經喺美國讀書、做過加州柏克萊大學泳隊隊長嘅佢，啱啱完成中大體育運動科學碩士課程。
佢尋日接受網上訪問時分享話，希望傳授自己十幾年游泳經驗畀下一代，但明白做嘢唔可以一步登天，所以決定出年暑假成立泳會，同全港百幾個泳會競爭，最終令港隊後繼有人。
退役一年嘅蔡曉慧已有新目標，就係開辦自己嘅泳會。