政情：女童軍總監首現爭莊
政情：女童軍總監首現爭莊
早前搞到滿城風雨嘅香港女童軍總會，超齡嘅現任總監邊陳之娟已確定明年四月卸任，而新一屆總監選舉將喺明年一月舉行。據知，提名期過後，總會共收到兩項有效提名，係女童軍總會有史以嚟，首次喺總監一職出現「爭莊」。
兩位參加角逐嘅候選人，分別係副總監彭徐美雲同名譽副會長李周美枝。彭徐美雲嘅老公彭曉明係現任公益金名譽副會長，加入女童軍總會五年左右，好積極參加活動，加上同內地政商關係密切，知名度同當選呼聲一啲都唔低；李周美枝嘅老公就係東華三院前主席李三元，加入女童軍總會已二十年，絕對係資深成員之一。