認識我的人也知道，我是投訴達人，但對食肆餐廳的不滿投訴是接近零！因為我認為一餐飯的好與壞是「活在當下」，投訴也沒有用，以後不幫襯就是了！
早幾個月我就有這麼有趣的經歷。話說當日小舅父、小舅母請我食飯，約定在尖沙咀食，於是小舅母就上網查查，發現尖沙咀山林道有一間日本放題竟然被評為第一位，而我們從未試過，於是決定試試。
訂了三人座，某個夜晚他們先到，我遲了一些。一進去，見餐廳其實客人不多，通常這些放題也爆場，這種情況有點罕見！我走到餐廳的一半位置，經過的夥計沒有人理過我，無人問我有位未，無人當我有存在過。後來自己找到小舅父他們就坐下，開始填紙仔！兩個情況，大家點了不少東西，但上了枱的東西真係無一樣係好味的，而好多填了紙仔的食物根本就無上過枱！由於是限時兩小時，多番查詢下，夥計叫我們再填，好吧！重複填了好些東西，但係又無上枱，又填又無上枱，之後一個阿姐催我們埋單！結果在埋單之後，一碟東西上枱！
此時，那個惡形惡相的阿姐衝過來大大聲叫：「埋咗單係唔可以再填紙！」嘩！態度真係好到呢！我舅母馬上回她：「這是埋單前填完無上，依家上！」那阿姐再大聲說：「咁你哋快啲食，啲客在外面等緊！」呢間舖真係好多客囉！我們一口清掉馬上離開，並決定以後不再幫襯！
而我肯肯定呢間店的網上排名是造馬的！其實一間餐廳全方位都差係好難的！
昔日文章
