27/F平台龍蝦 海景 星期天

揀心水餐廳，首重食物品質，但環境亦是重要因素；沒舒適氛圍，菜式再滋味也總是欠了一點點。若然座位寬敞附加無敵靚海景，感覺自然更對胃口。就像位於銅鑼灣柏寧酒店27樓的Riva，最近便把坐擁270o全海景的平台開放，除星期日供應的龍蝦主題自助午餐外，更在Menu加入新菜式，在如此美景下大歎美食，感覺超爽！b:Champy.C

在高樓林立的銅鑼灣，要找一間風景「無遮無掩」的餐廳確是較難。幸好Riva擁有一望無際的大平台靚景，沒屏風樓在前，自然能把整個維港景色盡收眼底，再品嘗餐廳的新菜式，一樂也。

中午任擦龍蝦

最新又有睇頭的，必選逢周日才推出的午市自助餐，於中午時段以龍蝦做主題已屬少見，而且用的都是波士頓靚貨，除冷盤凍食外，更有脆炸龍蝦鉗及龍蝦米多等輪流推出，此外亦有阿拉斯加長腳蟹、小龍蝦、翡翠螺等，食多幾隻已經夠回本。至於熱盤則包括有骨火腿伴冧酒蜜糖、燒羊膝等，更有即製美食檔，印度咖喱、港式粉麵、西式意粉薄餅每星期輪流上場，口味多元化。

慢煮慢食夠Hea

要是平日想去Riva應該吃甚麼好？店子的大廚會定期更新Menu，如最近便剛好換上新菜式，大部分均以德籍師傅最拿手的Slow Cook烹調法炮製，特點是能保持肉質的嫩滑又不失鮮香，吃落更原汁原味，如一道慢浸龍脷魚柳便以攝氏60度浸上14分鐘，令魚的鮮甜完全鎖在肉內，而且質感較嫩滑，另配以脆身的麵包糠、清新的菠菜蓉卷，味道以至口感都提升至多重層次，配合餐廳的升格裝潢，由朝坐到晚都不想走！

周日自助午餐

供應時間：逢星期日12:00pm-2:45pm

收　　費：成人$428 小童$268（另收加一服務費）

查　　詢：2839 3327

備　　註：單點菜式只限晚市供應