應節復活Apps同兔仔玩

    • 明天開始就是一連四日的復活長假，大家近期去到各大小商場，都會發現周圍都被應節的復活蛋同賓尼兔所包圍，所以今期點都要上AppStore，為部iPhone 4「單撈」番幾個應節新App搞吓氣氛，好似養番隻識講嘢嘅賓尼兔，都係唔錯嘅選擇！

    3D育成《My Easter Bunny 3D》

    呢套育成遊戲《My Easter Bunny 3D》，玩法雖然無「任天狗」、「任天貓」咁全面，但亦可用上15種方法跟兔仔互動，由餵食物、氹佢瞓覺到同佢玩小遊戲都有，幾啱愛心爆棚的女生。

    下載：免費

    抵禦憤怒雞《Egg vs. Chicken》

    遊戲內雞蛋同雞仔原來係世仇，玩家要保護雞蛋免被憤怒雞破壞，而應節的「Easter Egg Hunt Edition」更全面用上復活彩蛋，亦加入蒐集復活蛋玩法，並可從中開啟隱藏關卡，耐玩度同「憤怒鳥」有得揮。

    下載：0.99美元

    變聲錄音《Talking Bunnie》

    同其他《Talking》系列App一樣，程式會錄低大家嘅說話，然後以賓尼兔嘅Cutie口音讀番出嚟，仲可以錄成影片上載至Facebook或YouTube，當然唔少得在兔仔身上狂篤撩佢打交，或者引佢跳番Part舞，感覺都幾有趣。

    下載：免費

    自畫彩蛋《Egg A Sketch》

    唔知大家仲有冇懷念細個上美術堂時的DIY復活蛋呢？這個新App就可以讓大家重拾童年回憶，雖然各位只可以將3D設計的雞蛋轉來轉去畫公仔上色，玩法唔多，但勝在唔使搞到成手污糟邋遢。

    下載：免費

    虛擬兔仔《Easter Bunny Vision! Augmented Rabbit Reality》

    「Augmented Reality」（擴張實境）聽落似高深技術，但實情係將預設嘅圖像融入由手機鏡頭拍攝的畫面內，這款程式就係將眾多蹦蹦跳的賓尼兔Key入畫面內，而且仲可以趁番個應節背景影張合成相。

    下載：0.99美元

    Brian