一人前矜貴滋味

    • 或者好多人都會覺得一個人開飯可憐，到底會食粉麵、飯盒定係捱麵包？全錯，其實單獨開飯，都可以食餐好。城景國際酒店的中菜廳樂雅軒，近日推出逐位上的「龍躉龍蝦餐」，除有頭抽煎花尾龍躉扒、龍蝦煎米粉及沙參玉竹花尾龍躉燉湯等，亦有矜貴的蝦子海參、脆皮花姿雞等，仲有甜品及水果，非常豐富。特別一提，今個月下載酒店Facebook的優惠券，惠顧這套餐可享85折優惠。

    查詢：2783 3286

    P.Yeung

    「龍躉龍蝦餐」全日供應，每位$348，包括多款矜貴美食，像這道波士頓龍蝦煎米粉。