東澳古道 行山睇飛機

小時候要睇飛機，只需身處九龍城，抬頭即可睇住飛機在頭頂飛過。但自機場搬入赤鱲角後到哪裏睇好？就係東澳古道囉！古道位於大嶼山北部海岸路線，屬於行山徑熱選之一，由東涌作起點，終點為大澳，部分路徑可遠眺赤鱲角機場，既可觀賞飛機升降，又可以欣賞到紅樹林生態、深入傳統圍村探險、踩入大澳買蝦醬及掃地道小吃，開心又好玩！

東澳古道由東涌作起點，經侯王宮，沿岸邊向沙螺灣村走，經石灣、深石村、深屈，終點為水鄉大澳，全長約8公里，行畢需時約4個鐘，大部分路段較平坦，只尾段有上落斜路，適合一家大細齊齊郊遊。

可愛招潮蟹 灘上橫行

這裏山路近海，坐擁無敵山景、海景，沿路更有纜車在你頭上經過！途中，我們經過了東涌灣紅樹林，體驗了平時難得一見的生態。剛好遇上潮退，露出了大片的淺灘，灘上隨時會見到招潮蟹仔「橫行」的場面。

今次帶我們導賞的山林動力負責人鍾澤垣說，原來蟹仔的大鉗是用來吸引異性，耀武揚威，煞是有趣。此外，林內還棲息了雙手蟹、小蜥蜴等，而一路上，我們還發現海杧果、野蘑菇等奇異植物，不過鍾Sir話，不要被它們可愛的外表迷惑到，原來全部有毒，所以說，路邊野菇不要亂採啊！古道途經頭村，古色古香的石村屋，別具農家風味；再往前行，便到達遠眺赤鱲角機場的涼亭，在此你能見到整條飛機跑道、看着飛機上上落落，但距離較遠，景觀始終不及舊機場震撼，不過行山之餘可以觀纜車、睇飛機，則一舉三得！

大澳水鄉 掃小食

睇完飛機，再行到深石村，經過深屈，行了4個多小時後，終於到達大澳。難得來到有香港威尼斯之稱的水鄉，當然不會錯過欣賞水上風情的機會，跑到市中心的新基大橋上，紅橋、藍天、白雲、水道、棚屋，加上小船不時在橋下經過，果然美得像圖畫。

連續遊玩了幾個鐘，肚子終於作出抗議，係時候要搵食了。幸好大澳特色小食多的是，好像在市中心的街市街，或是在吉慶街的茶餐廳，可以找到懷舊水餃麵、紅豆冰等美食，若想吃得再刁鑽些，不妨試試街頭炭燒雞蛋仔，勝在用真正炭爐即叫即製，外脆內軟，好滋味。想掃地道手信，在舊碼頭既有出名的鄭祥興蝦醬，又有「茶果財」，老闆財叔日日鮮製的茶果，花生椰絲餡料香甜，外皮煙韌又滑溜，讓人吃到停唔到口。若然口渴，大澳小學對面的小士多，老闆娘有自家製的羅漢果菊花茶、紫貝天葵茶，成分天然，生津又解渴，非常滿足。

茶果財

地址：大澳石仔埗街106號地下

鄭祥興蝦醬

地址：大澳石仔埗街17號A

東澳古道大澳漁村體驗一天遊

行　　程：於東涌集合，由專業生態導賞員帶領， 沿東澳古道步行往大澳，欣賞紅樹林生態、圍村特色及赤鱲角機場航機升降美景。午膳於深屈或大澳，下午遊覽大澳名勝及生態。

日　　期：4月22日（星期五）

收　　費：$110/位

查　　詢：3542 5231

網　　址：www.green-walker.com