魚缸Blogger：中生製藥突破在即
經過近兩個月嘅整固，上周中生製藥（01177） 股價再次起動，由九月尾低位計，累積升咗一成，睇勢話唔定就快可以突破埋3.17元，再創五十二周新高。
公司主要從事研發、生產同銷售心腦血管、肝病及抗腫瘤等用藥，產品門檻比起同業較高。睇番上半年成績表， 收入同純利分別增長44%及56%，毛利率亦上升2.4個百分點，喺內地不斷下調藥品售價上限下，仲交到呢個增長速度都算唔錯。
國務院出通知話，「十二五」衞生事業發展規劃要大力發展生物醫藥，鼓勵藥企兼併重組，以及支援加快技術改造，龍頭醫藥股中生製藥可以借勢炒一轉，加埋14RSI有上升動力，不妨於3蚊上車，下一個較大阻力位喺3.3元。
中生製藥（01177）
阻力位：3.3元
支持位：2.9元