魚缸Blogger：華電國際炒波幅
八月份最後一個交易日，魚缸靜到拍烏蠅，成個星期埋單計，有三日成交都唔夠四舊，本周恒指將考驗上升軌嘅底部支持。
終於輪到華電國際（01071）派成績表，半年純利大增一倍幾，至2.84億人仔，發電量同上網電量都增長超過6%。作為內地大型嘅綜合性能源公司，除咗煤價持續弱勢有利其火電業務經營效益外，「十二五」規劃講到明加碼催谷可再生能源發展，亦都切合公司要做大風電產業嘅目標。但要提一提就係佢嘅負債比率超過八成，好彩央行年內兩次下調利率，減輕咗公司嘅資金成本。
華電股價近幾個月都維持橫行格局，上周五雖跌穿50日線，但可以伺機炒波幅，阻力睇七月份高位2.54元。
