魚缸Blogger：京信通信整固後再上
美國聯儲局短期內出手機會大增，魚缸尋日亦受惠上番兩萬，佳績股續有追捧，細價股更加係炒到禾雀亂飛，氣氛改善下小注進場亦無妨。
京信通信（02342）今年上半年轉盈為虧，蝕1.61億銀，但因為集團同中國移動研究院簽訂Nanocell（微基站）合作備忘錄嘅消息，就令京信通信尋日股價抽升24%，以day high收，成交急飆至近2億銀。
雖然暴炒男都唔係好知微基站係乜，但炒股最緊要有noise，如今京信通信泊到大碼頭，公司管理層早前亦表示下半年有機會錄得盈利，加上尋日成交急增，相信唔會得一日貨仔咁短癮，可喺2蚊邊部署，博整固後再抽多棍。
