魚缸Blogger：中國遠洋整固再上
尋日魚缸對西班牙獲救嘅消息相當亢奮，恒指爆升451點，離萬九關只係一步之遙，所以唔排除喺周日希臘大選前，好友或者再挾多浸先散水。
至於跟進板塊，今日可以𥄫實啱啱揚帆出海嘅航運股，而初步確認破位嘅中國遠洋（01919）更係當中首選。雖然中遠今年首季虧損擴大至27億人仔，但中國上月進出口規模創單月歷史新高，分別達1,624億同1,811億美元，反映內地出口仍具活力，加上憧憬阿爺以至歐美央行將再次放水，短線炒復甦概念應該有得諗，而中遠尋日又突破不對稱雙底頸線阻力3.8元，稍作整固後料有力再上，量度阻力先睇4.1元。
