期指攻略：淡倉止蝕 再行觀望

上周五筆者以四分之一資金開淡倉，博西、意、希臘危機持續、內地數據續弱，以及本周後期希臘國會再次流選，誰知道上周六西班牙獲歐元區伸出援助之手，令昨日中港兩地股市氣氛好轉。

究竟今次港股真的否極泰來，還是大戶先舞高再弄低的把戲？姑勿論如何，昨日期指開市已高見18,950點，已升穿早前定下的止蝕位18,762點，雖然早段升幅曾經收窄，但兩次跌至18,770點水平就無力再落，故決定在18,800點將淡倉止蝕。

本周初市場的興奮表現，確實令筆者有點意外，事關意大利火頭待燃、希臘政局未穩，但亞太區股市昨日仍全線上升，加上美匯轉弱低見81.72，反映市場risk on味轉濃。即月期指昨日高開後主要在18,770至18,880點反覆徘徊，尾市動力增強，收報18,965點，升610點；另從日線圖觀察，五月中至六月初期指與9日RSI走勢呈底背馳後，MACD亦從熊轉牛，甚有轉勢之先兆。

策略上，今次西班牙無條件獲救，暗示希臘就算稍後國會流選，亦有機會同樣獲救，加上港股走勢改善，未來買上升值博度增加。穩陣一點當然要睇埋歐美股市，故昨日先行觀望，再等入市機會。