市場徐想：秦發現價唔算貴
Prof. J上次寫完電，講起煤價上升，就順便睇吓煤股。依家歐洲咁亂，投資煤礦業務，至少唔使畀歐債毒死，大家話係咪？
中國秦發（00866）主要業務從事煤炭經營，包括煤炭買賣、選煤、儲存、配煤、航運同運輸等等。集團近幾年經營業績大幅改善，由○九年尾起，由於內地市場不斷增長，發展持續，尤其有4萬億元人民幣救市基建措施之後，對煤嘅需求大幅增加，公司呢兩年抓緊呢個機遇，締造咗亮麗嘅業績。另外，集團亦擴展咗客戶基礎，搵到北京大唐燃料有限公司同山東日照發電有限公司呢堆新興嘅大型國有電廠合作，為自己業績錦上添花。由於同大型電廠有緊密關係，集團嘅煤炭經營同貿易量比起○九年時有顯著增長。
睇番數據，公司一○年純利上升191%，至3.77億元人民幣，而今年上半年盈利再錄得61%增長，至3.33億元人民幣。現價市盈率7.5倍左右，唔算貴，一於繼續追蹤！
