魚缸Blogger：第一視頻強力爆發
著名手機遊戲AngryBird，相信冇乜邊個智能手機用家未玩過，其開發商Rovio，最近就揀咗第一視頻（00082）做內地合作夥伴，最主要係睇中第一視頻喺內地手機遊戲市場上，擁有高達18%嘅市佔率。
如果以公司初步為AngryBird初次啟用費定為約1至2元人民幣計，即使撇除同合作夥伴嘅拆帳收益、廣告收入同行政費用，保守估計公司可袋逾2,000萬元人仔，加埋公司計劃明年初分拆手機業務上市嘅誘因，其股價仍有進一步推升空間。
上周五第一視頻終於爆發，股價一飛沖天，搶高逾二成，阻力位可上移至1.3元，支持就喺1元。
