魚缸Blogger：永保林業破位在望
「賺錢之神」邱永漢愛股永保林業（00723），自上周末傳出邱老拉大隊訪問永保嘅中山廠房後，曾單日爆升三成，即使股價近日回調，仍然守喺10日同20日線樓上。
永保主營林木管理同採伐木材，喺巴西、非洲等地有特許伐木權，九成產品輸往內地市場，而公司去年純利增長亦見穩定，按年升24%至3.41億元，加上集團近日公布正與多個森林特許權持有人進行磋商，以期增長穩定、但市盈率三倍都唔夠，難怪獲賺錢之神不離不棄。
喺猛人撐場下，永保股價尋日迅速回勇，正醞釀突破旗形走勢，阻力大位喺0.3元，支持位0.23元。
