魚缸Blogger：華潤燃氣醞釀爆發
究竟有無QE3，相信股友閱報嘅時候已經知道，但如果美聯儲局只係沽短債買長債，未能刺激股市之餘，或會加添市場憂慮。而恒指尋日再考驗三底支持，如確認失守，下面嘅潛行空間恐怕以千點計，投資者不得不防。
華潤燃氣（01193）公布中期純利按年升逾八成，至5.54億元。公司表明母公司將繼續向其注入燃氣項目，以強化其作為內地城市燃氣龍頭分銷商嘅地位，再加上「十二五」規劃訂明一五年前，將內地天然氣佔主要能源使用量比重提升一倍至8.3%，可以預期潤燃未來嘅規模同收入只會有增無減。
潤燃尋日除咗突破旗形走勢，MACD亦醞釀雙牛利好訊號，爆發力不容忽視，短線關鍵在於五十二周高位12.38元，支持位11.8元。
