| 租／售 |  |
| 租 售 | |
| 樓盤由property.hk提供 | |
羅傑斯為本簿仔拒買內銀股
商品投資大師羅傑斯近年對中資股一直情有獨鍾，但因為一個原因，佢不想沾手中國銀行股。原來羅傑斯喺○六年到中國後，希望以一個普通客戶身份，親身體驗一下中國銀行服務，但佢竟然發現中國嘅銀行無法為異地帳戶打簿，即係話存戶喺異地攞唔到錢，因此內銀股自然唔入商品大王法眼。
僅擁少量細行股票
羅傑斯嘅言論聽來有點不可思議，但太子聽老行尊講，內地銀行早十幾年前尚未有全國帳戶資料聯網呢樣嘢，但隨着內銀近年急起直追，包括工行（01398）、建行（00939）在內嘅全國五大行均可跨境操作，帳戶除咗可以用存款簿仔睇數外，還可以用銀行卡查數，夠晒方便。喺○七年內地可能真係有小銀行仍然未建立好全國聯網系統，喺上海存錢嘅帳戶未必能喺長沙攞到錢，所以羅傑斯迄今只擁有一家小銀行嘅少量股票。
羅傑斯稱，曾經在中國無法為異地帳戶打簿。（資料圖片）