市場徐想：港交所獲阿爺撐場
筆者曾經講過，二月份主題係炒業績，當全世界唱大笨象（00005）會一飛沖天上紅衫魚時，嚟一招反高潮，死未？一眾「衍生象友」慘死沙場，無計！
另一個重點，梗係「十二五」，香港第一次喺成個計劃上出現，阿爺表明打造香港金融市場上嘅黃金時代，意義重大。中國人最鍾意「愛不出口，只會出手」，一出手，認同能力非同小可，加上全世界都鍾意將上海同香港比，香港金融市場成日就「你有你講，我有我撐」，今次再一次肯定話畀大家聽，香港同上海已經由競爭對手結成盟友，係最完美嘅雙打。
港交所（00388）嘅中港股市同步已經喺今個星期開始，加上阿爺出言力撐香港金融市場，假設我哋相信五十年不變，我諗港交所嘅升呢行動，將會因為阿爺出手通關便應聲而起，阿爺真好嘢！
