| 租／售 |  |
| 租 售 | |
| 樓盤由property.hk提供 | |
市場徐想：以客為本港府要學
財爺最終「還富於民」，從今次財爺屈服啟示，筆者試圖用我成名嘅營銷絕技──左右圈嚟分析當中奧義，左圈就係我哋所講嘅客戶群同需要，即係香港市民，右圈就係今次政府同佢本身嘅核心能力，政府今次又再一次犯咗「唔睇左圈，財爺任我行」嘅弊病，政府做嘢真係好多時候都冇睇「左圈」，以為自己嘅做法無得頂，攪到民怨沸騰然後先「亡羊補牢」，最終「做嘅冇癮，收嘅冇癮」，雙輸，何苦呢？
有人話，派錢唔可以解決全部市民嘅問題，但講真，一個策略或者措施，又點可以一次過滿足晒全香港所有市民客戶先？唯有希望政府喺呢次事件上，可以好好吸取經驗，用「以客為本」嘅思維嚟制訂相關策略，唔好再做武林高手「一意孤行」。