西九四小龍睇樓倍增

財政預算案未有再出招，除二手業主即時反價外，準買家亦感樓市明朗化，又恐樓價再升，即時加快步伐「搵樓」，其中西九四小龍、荔枝角美孚新邨及天水圍區屋苑，昨日睇樓量即時增加，其中西九四小龍睇樓量升逾一倍。

利嘉閣鄭芬蕎稱，西九四小龍早前觀望的買家昨即時起動，尤其是一批用家，見區內兩房單位入場費不斷上升亦加快睇樓，該分行昨晚睇樓量，由平日約1至2組，大增至4至5組，她料整區睇樓量將以倍數增加。

買家感預算案無助

至於毗鄰的奧運站屋苑，港置蘇國榮稱，新預算案對區內二手市場未見明顯影響，料本周六、日睇樓量升幅會較為顯著。

藍籌屋苑方面，美聯稱，樓市漸趨明朗，美孚新邨部分早前未「追到價」買家，深感預算案「幫助有限」，即四出睇樓，而昨日屋苑睇樓量較平日增加至少30%，當中亦以用家為主。

美聯又稱，天水圍近期二手放盤減少，而該區未來新供應增加正可應付所需，準買家亦因而再看好後市；而昨日查詢及睇樓量增加約10至15%。

港島方面，世紀21日昇稱，北角早前有部分準買家，因觀望財政預算案而放緩入市，預算案公布後即加快入市，周六、日預約睇樓量即增約25%。