溫家偉（左）與周志文曾於台灣拍外景同房，因而增進感情。
周志文及「大隻仔」溫家偉在劇集《衝線》中飾演一起共事的老友，想不到在鏡頭後兩人亦老友鬼鬼，在台灣拍外景時，二人同房期間更互相發現「小秘密」，增進了不少友誼！
周志文（右）及溫家偉互揭陰私，十分搞笑。
周志文（左起）和溫家偉齊與蔡思貝傳緋聞，三人卻毫不避忌參加慈善活動。
年輕人正值揮灑汗水的時候，周志文及「大隻仔」溫家偉在無綫劇集《衝線》中，飾演對單車甚為熱血的老友，大學畢業後更在同一間會計師樓工作，周志文表示在拍攝過程中十分開心，不過卻差點被溫家偉「陷害」：「之前我哋有跟港隊教練上堂，教練話其實少少碰撞係可以，就叫我同大隻仔試吓，點知我挨落佢度，佢竟然縮開，搞到我差啲跌親！」溫家偉聞言即尷尬不已，並笑說：「咁正常人挨落嚟，點都會有少少本能反應縮開嘅。」
為緋聞解畫
講到二人的共同點，必定是大家不約而同與同劇的蔡思貝傳出緋聞，周志文笑言已經「看破紅塵」：「冇呀，我已經習慣咗，我每次拍劇都會傳緋聞。」而溫家偉更與蔡思貝及吳若希傳出緋聞，他說：「我覺得好好笑，因為大家都係好Close嘅朋友，我喺外國返嚟，正常攬吓好正常。」
台灣拍外景
《衝》劇除在香港拍攝外，更到台灣拍外景，而周志文及溫家偉亦被安排同一間房間，二人表示增進不少友誼，周志文說：「有一日大隻仔喺酒店廁所好耐，我以為佢去廁所，點知佢原來喺入面剪頭髮。仲有一件事，就係我喺台灣過生日，同佢哋一齊食飯，我揀咗個蛋糕，點知佢哋就順水推舟，用我揀嘅蛋糕同我慶祝。」溫家偉則表示覺得與周志文相處的三星期過得太快：「阿文真係搞笑，成日都會教我中文，同埋佢講嘢真係好好笑，同佢一齊時間過得好快。」
專案組
