楊怡獲陳展鵬（右）及嘉穎（左）等送花補祝白色情人節，So Sweet！
藝人楊怡、鄭嘉穎及林夏薇等昨日到坑口宣傳無綫劇《天眼》，楊怡竟不知前天是白色情人節，幸在活動上獲一眾拍檔送上大會安排的玫瑰補番數，她說：「完全唔知，我連中國情人節都冇為意。（同羅仲謙都唔重視節日？）我只記得阿媽生日同大節日。（補祝？）唔啦！都唔興慶祝嘅，元宵都冇慶祝！（有睇謙仔套《衝線》？）有睇開頭，聽講收視OK。（個劇送單車答謝觀眾？）等我都抽吓先！」而嘉穎被問到對收視有何期望時說：「依家唔同我初出道，網絡改變人嘅娛樂模式，我阿媽都識上網啦！（佢上網睇你套劇？）佢當然有睇TVB，但上網就睇韓劇同內地劇。」至於演出獲網友激讚的林夏薇則大感開心及感動。
密密拍劇的嘉穎不太在意收視，心態隨時間改變。
林夏薇一向對獎項不作多想，最重要是過程。
