東網電視
更多新聞短片昨日傳出吳綺莉涉藏毒及虐女一事後，一眾圈中人回應時均認為純屬誤會，唯獨曾與吳綺莉傳不和的劉美娟則指她確實有某些怪誕行為！
劉美娟
方中信
林建明
葉玉卿
劉美娟曾與吳綺莉於電台合作，有指劉美娟因不滿吳綺莉有某些怪誕行為而影響做節目，因而兩人傳出不和，事件更傳遍電台，甚至有傳電台想辭退吳綺莉。記者致電劉美娟問到吳綺莉事件及雙方是否不和時，她說：「唔知點解會有呢個傳聞，但我做咗娛樂圈咁多年，屬於一個專業嘅藝人，好畀心機去做好自己嘅事業，亦鍾意同專業嘅藝人合作，如果你面對一個唔太專業又唔太尊重自己工作嘅人，但佢又以為自己好專業，真係好難合作，呢個係我個人睇法！」她強調對事不對人，又認為公眾人物是大家的榜樣，若真有其事，需面對及向公眾交代。至於有指吳綺莉有某些怪誕行為？她說：「有！但唔想多講，因為唔想講大話！（有傳電台想叫佢走？）有聽過話要請佢離開，但唔知點解。」
型男方中信雖未曾與吳綺莉合作過，卻相信事件是個誤會：「佢平時好錫小朋友！（你會唔會打女？）唔主張體罰，最緊要有道理！」
曾上電台接受吳綺莉訪問的陳嘉容則感到難以置信：「冇可能，佢係好正面好樂觀嘅人，永遠面帶笑容，佢有男仔性格，好爽快！」
吳綺莉好友林建明說：「唔清楚，希望係誤會！」
與吳綺莉老友鬼鬼的葉玉卿說：「自己有個差唔多大嘅女，依家啲細路女好反叛，身為媽咪都好難控制。聽到覺得好驚訝，個人覺得佢視個女為命根，虐待個女係冇可能，可能係誤會，亦唔覺佢有啲怪誕行為！」
吳綺莉契哥、有線高層曾展章起程到廣州工作前已聽聞事件，但他坦言近年較忙，未有時間了解對方家事：「以我所知佢兩母女一直相依為命，希望係場誤會！（傳佢有某啲怪誕行為？）唔覺佢有，反而知佢戒咗煙！」
