東網電視
更多新聞短片當年事業愛情雙失的傅穎，於2011年敗走內地發展，終捱出頭來，狂賺逾800萬人仔。新牌仔的她日前在尖沙咀車行買逾百萬名車。
Theresa回流返港即土豪上身，往車行睇車。
車行職員殷勤招待Theresa。
Theresa試坐價值約50多萬元的Q3靚車。
Theresa對價值逾百萬元的Audi R8辣跑大感興趣。
近年幾乎絕迹香港娛圈的傅穎（Theresa），自2011年往內地拍劇搵人仔，遠離是非地，默默耕耘下終做出成績。過去年多時間，她長居北京發展，拍下多部電影及內地劇、商演機會更加不計其數，已勁賺800萬人仔（約990萬港元），在內地谷底翻身變「小富婆」。
坐港鐵搭錯方向
在內地升呢兼身家暴漲的Theresa，日前現身尖沙咀做土豪Shopping，雖然是普通格仔裙打扮，但架上黑超仍星味十足。她不時玩手機，期間步入車行睇車，又試坐價值約50多萬元的Audi Q3靚車。Theresa被逾百萬元的Audi R8跑車深深吸引住，獲車行職員殷勤招待的她，睇完一輪資料的她看來已鎖定買這架逾百萬靚車。其後她去名店掃貨，再拎住戰利品搭港鐵，可能很久沒做「平民」，除八達通沒錢外，增值時更入錯人仔，去金鐘又企錯往荃灣方向！
記者昨日聯絡Theresa，原來她已在內地開工，問到賺近千萬港元？她說：「哎吔！冇啦！唔好亂講，我怕稅局追我。」但她承認在內地發展不俗：「係多咗機會，但好多人以為港星返內地搵錢好易，但要好努力，一啲都唔易。（買車係咪回流香港？）今年都有幾多工作喺香港做，啱啱上年年尾考到車牌，亦有諗住返嚟買架車代步，亦打算買樓畀媽咪。」
音樂組
