東網電視
更多新聞短片有「蘋果花歌后」楊燕將先後於下月及四月在香港舉行演唱會，屆時一家人會專程從美國來港撐場。她又透露跟女兒聽歌口味不同，女兒童年時曾投訴所唱的歌難聽，幸好長大後女兒口味改變，更大讚媽媽唱歌好聽！而楊燕今次更邀請愛女初登香港舞台一同獻唱《負心的人》。
楊燕表示女兒有唱歌天分，但不想入行。
有「蘋果花歌后」之稱的台灣前輩歌手楊燕將由下月二十四日開始分別在文化中心、屯門大會堂等四個場地舉行四場《楊燕情牽蘋果花演唱會》，在文化中心舉行的頭場更邀得女兒從美國來港做嘉賓：「我個女做嘢好忙，但我叫佢嚟幫手唱一場，佢就特登請假嚟幫我。到時佢會唱幾首歌，其中一首係《負心的人》，雖然佢識普通話，但因為係老歌，所以初初都要解釋啲歌詞畀佢聽。」
曾被彈唱歌難聽
她又透露跟女兒聽歌口味大不同：「我個女呢代聽啲歌我都有聽，我都識周杰倫啲歌，不過唱乜我唔知，佢味道同我哋好唔同，佢以前細個唔慣聽我年代啲歌，話好難聽。（唔開心？）咁都冇辦法，不過後來我喺多倫多一次演出唱咗《負心的人》，佢就大讚媽咪唱得好！可能佢人大咗，知道咩歌好聽，又知媽咪唱功好，所以就話要學呢首。」
楊燕亦透露女兒曾在拉斯維加斯和西雅圖表演，唱完更大受觀眾熱烈歡迎，問到可會讓女兒入行？她讚女兒有天分，但女兒不想入行，因為怕面對傳媒：「所以佢依家喺化妝品公司做經理，佢化妝好叻，我美國唱都係佢化，但今次唔使化，最緊要嚟幫我唱歌。」她又透露香港頭場演唱會全家都會從美國來捧場：「平時一家好少可以聚埋一齊，所以可以當今次係Family Trip。」
讚港人水準高
楊燕去年一直不停在世界各地巡唱，今次終於來到香港，她表示很開心：「好鍾意嚟香港唱嘅感覺，啲觀眾好鍾意聽歌，懷念七十年代嘅歌，一唱佢哋就好欣賞，好陶醉，香港人聽歌水準好高！」除女兒外，楊燕表示另一嘉賓是莫旭秋。
音樂組
