東網電視
更多新聞短片正所謂「鹹魚青菜各有所好」，先後與「樂壇新人王」鄭俊弘傳緋聞的姜麗文與吳若希近期齊齊有新緋聞，自言「老友鬼鬼」的兩人一碰面就互寸識食，一個轉「鋸扒」，一個食「泡菜」！
鄭俊弘兩大「舊愛」吳若希（左）與姜麗文表面攬頭攬頸，暗地卻互寸有新緋聞！
鄭俊弘
吳若希與姜麗文孖觀眾玩遊戲，正式「開戰」！
歌手吳若希（Jinny）與姜麗文（Lesley）昨日齊齊出席高踭鞋賽跑比賽，早前被《好報》拍得與鄭俊弘（Fred）放狗的Jinny日前再被爆與「無綫大隻仔」溫家偉當街抱抱，同樣與Fred多次傳離合的Lesley近期亦不輸蝕，最新緋聞男友更是韓國男團2PM的Jun.K。如今Fred的新舊「女友」同場較量，身穿三吋高踭鞋的兩人迎合活動即場以賽跑決一勝負！
鋸扒Vs泡菜
雖然現場兩人「攬頭攬頸」，但Jinny踢爆在後台卻「互寸」緋聞：「大家同年出道，本身係好好朋友，佢一嚟到就笑我近期轉咗食『西餐』鋸扒，我就笑番佢食『泡菜』。」提到與溫家偉的關係，Jinny雖否認緋聞，但讚對方是好男仔，卻因自己的英文是「有限公司」，溝通及長遠發展上稍有距離：「我聽日（今日）唔宣傳都要約大家食飯澄清，同《衝線》一班演員約咗做完活動食飯。」新一年只過了幾日已緋聞多多，Jinny笑指很多事真亦假時假亦真，追問誰是真命天子？她卻大賣關子：「你哋諗啦！」
赴韓會「男友」
至於Lesley自爆要做聲帶手術，將會休息一、兩個月，隨後會到韓國工作，提到可以趁機密會「男友」，Lesley一副冧樣說：「咁朋友係要見嘅，但你信咩？佢係國際巨星，我係邊個？大家個名擺埋一齊都覺得唔好意思，我係佢嘅Fans嚟。」談到「舊愛」Fred，Lesley坦言希望減少緋聞：「大家都唔需要再估我哋係咪拍拖、係咪分手，佢永遠係我朋友。」
音樂組
