陳嘉桓上下夾擊Big走高Ling

東網電視

更多新聞短片

「乳」出驚人的陳嘉桓前晚是羊年首日開工出席活動，奮力將33B咪咪谷到盡！升「胸」的她波濤「胸」湧兼盡騷長腿，搶盡「峰」頭！更聯同谷咪上場的「三大女神」陳凱琳、蔡思貝及龔嘉欣，成功揮低「要乳得乳」的高海寧，爆發「胸」戰！

穿上粉藍色宮廷晚裝裙的陳嘉桓，露長腿之餘，還谷胸上陣。

低胸露腿的蔡思貝加入「胸」戰，甚有睇頭。

龔嘉欣谷胸赴會，期間更受到不少男士歡迎。

披上皮草的高Ling遮遮掩掩，身材竟被比下去！

港姐陳凱琳亦是有料之人，穿上低V短裙吸睛。

周美欣（左起）、陳凱琳、龔嘉欣、王大業、陳嘉桓和李河璘，前晚齊齊出席「皮草之夜」。

陳嘉桓（Rose）、港姐陳凱琳、蔡思貝、龔嘉欣及高海寧（高Ling）等，前晚現身香港國際毛皮時裝展覽會的「皮草之夜2015」，眾女隆重其事谷盡咪咪搶「峰」頭，合演一場升「胸」奇遇記！成功突圍而出的Rose，以一身粉藍色宮廷晚裝裙上陣，露長腿之餘，平日禾稈冚珍珠的她，罕有地將33B上圍谷至「Big」波蕩漾，衝擊眼球指數爆晒燈！

Rose的戰鬥力如此強勁，再加上齊齊谷胸的「三大女神」陳凱琳、蔡思貝及龔嘉欣加入「胸」戰，與一向「好雙乳」、擁有34D的高Ling大混戰，「峰」頭火勢下，高Ling竟被比下去！

谷行運氣拒絕露點

對於難得的性感上陣，Rose表示羊年新正頭開工要盡力一「谷」：「要尊重場合，件衫似外國宮廷Feel。（宮廷衫要谷一谷？）係呀！羊年第一日開工，要谷一谷，谷行啲運氣。（今年走性感路線？）舊年作好大嘗試，好似電影《販賣˙愛》，尺度大膽，其實自己一路想做唔同嘅嘢，唔單止性感。」

對於近日有老闆想搵女星露點拍電影，Rose聞言驚訝地說：「哎吔！師傅（冼國林）未必接受到，唔一定要露晒。（露點？）梗係唔得，露晒嘅感覺唔好。（唔肯露點會唔會輸蝕？）唔會，每個行業有唔同需求，我肯捱，可以拍打戲，文藝片都得。」

Rose更自言身形高挑，可以剪短頭髮反串男仔，吸納女粉絲。另外，身穿寶藍色露腰透視晚裝的龔嘉欣亦性感低胸上陣，雖然不及Rose「胸」猛，但她自言有食力：「我新年食咗好多糕，肥咗5磅。」

文武雙全密密接Job

昨日Rose接受本報的電話訪問時坦言並非刻意耍「胸」狠，更自嘲過年食得太多而變肥：「冇專登去谷，正常着晚裝嘅方法戴Nude Bra，好多人嘩然，自己都覺。過年我食多咗，有人話我有雙下巴。」不過有眼利網友發現Rose前晚所穿的禮服，與唐詩詠於去年出席《萬千星輝頒獎典禮》時的戰衣撞衫，Rose則指禮服由大會安排，兼讚唐詩詠着得好睇：「睇番留言知道唐詩詠都着過，着得好好睇，其實當晚所有人着嘅衫都係大會安排。可能我頭髮短到鎖骨位，大家留意多啲。」

而懂得詠春的Rose又透露將會參演功夫片，羊年密密接Job兼「文武雙全」升呢做旅遊作家：「以我所知，公司有部功夫片，亦接洽緊幾部電影。依家有本旅遊書進行中，亦會接拍健康食品廣告，下星期會為美容活動做嘉賓。」